حلوة جد هائلة بالكوك والشكلاط كتجي غزاااااااالة

بسم الله الرحمان الرحيم

4 كاس و نص من الكوك مطحون + كاس زبيب مقطع + كاس اللوز محمر بالقشور و مهرمش + كاس كاوكاو محمر و مقشر و مهروش + زلافة حليب مركز محلى يعني بواطة ونص 

نجمعوه حتى يولي عجين و نديروه في الثلاجة لتحت 

الشكلاط الاسود 10 دراهم يدوب في حمام مريم 

3 دراهم شكلاط ابيض 

ندوب الشكلاط الاسود 

ناخد بلاستيكة نسرحوها فوق بلاطو و نكرص فيها العجين سمك 1سم او 1 ونص حتى يولي مربع

ونخوي فوق منها نصف الشكلاط و ندخلها الثلاجة 

غير يشد الشكلاط نقلبها على الوجه الاخر و نخوي عليها الشكلاط و ندخلها 

ونزوقها بالشكلاط ابيض و ندخلها الثلاجة حتى تجمد 

طريقة تحضير الحليب المركز : 2 كاس عنبة الما + 2 كاس حليب مجفف + 2 كاس سنيدة 

نخلطو و نديرو يغلى في كاصرونة حتى يعقاد شوية يبقى جاري و نخليه حتى يبرد و نجمع بيه العجين