اشكال مختلفة لصابلي رائع لايام العيد

بسم الله الرحمان الرحيم

المقادير دائما نفسها

رابعة الزبدة لذة

2 بيضات

2 كيسان سكر كلاصي

نسمة الليمون 

ربع كأس الزيت

خميرة ـ ملح

الدقيق حسب الخليط

الطريقة

نخلط الزبدة مع السكر حتى تولي بحال الكريمة ثم نضيف باقي المقادير ثم الدقيق و دائما مندلكوش العجين

نخليو العجين ترتاح شوية من الأحسن نديروها في الثلاجة

طريقة التشكيل نخليكم مع التصاور

هنا منين طابوا

الشكل الأول

هاهو المطبع ديالو

النصف الأول كنطبعوا عادي

النصف الثاني كنطبعوا من الوسط بمطبع البطيطة ودهنتوا بالبيض ودرت ليه لوز إفيلي

منين طاب لصقت بالعسل الأحمر و زوقتوا بالعقيق

بالصحة والراحة 

الشكل الثاني 

هاهو المطبع ديالو

منين كيطيب كنلصقوا كل جوج بالعسل العادي درتو فوق البوطة تعلك شوية

ثم ندهنو النصف بالعسل و نفندوه في كوكاو مهرمش

النصف الآخر نديرو ليه الشكلاط أبيض وندردر عليه البافو 

بالصحة والراحة 

الشكل الثالث

هاهو المطبع ديالو

منين كيطيب كنلصقوا كل جوج بالعسل العادي

كندهنوا وجه الصابلي بالعسل ونفندوه في كوكاو مهرمش

نديروا فوق منو 2 نقيطات من الشكلاط أبيض ونديروا فوق منهم عقيقات بيضين

بالصحة والراحة 

الشكل الرابع

هاهو المطبع ديالو

منين كيطيب كنلصقوا كل جوج بالعسل العادي

كندهنوا الفوق ديال الصابلي بالعسل ونفندوه في كوكاو مهرمش

النصف التحتاني نديروا ليه الشكلاط أسود

بالصحة و الراحة

الشكل الخامس

هاهو المطبع ديالو

منين يطيب نلصقوا كل جوج بالعسل العادي

ندهنوا وسط الصابلي بالعسل ثم ندوزوه في كوكاو مهرمش

نديروا نقيطات من الشكلاط الأسود في الجوانب

بالصحة و الراحة