طريقة تحضير شوصون بالكبدة بالصور كيجيو لذاذ و بنان

السلام عليكم و رحمة الله و بركاته اليوم غدي نقدم ليكم 

مقادير عجين شوصون بالكبدة 

رابعه الدقيق
بيضه واحده
شويه الملح و شويه لبزار
2 او 3 معالق كبار الزبده

مقادير الحشوه

نصف كيلو كبده

قزبر و معدنوس كثريهم شويه باش تجيك شرموله

ملح،لبزار،كمون،تحميره،شويه الهريسه اللي ماكايبغيهاش بلاش،

2معالق كبار زيت،4ضروس ثوم مهروسه الدقيق لقلي الكبده

و بيضه للتزيين و الفرماج يلا كان عندك انا ماكنتش خرجتو من المجمد مدرتوش

طريقة تحضير شوصون بالكبدة بالصور

نخلط التوابل مع الكبد و الثوم و الهريسه و الزيت و القزبر و معدنوس

نشرملوها من بعد فندي الكبد في الدقيق و ضربيه بييديك باش

ما يبقاش الدقيق بزاف و ديريها في الزيت تقلى من بعد

قطعيها طريفات صغار و خلطيها مع ديك الشرموله اللي شاطت

ماتلوحيهاش و رديها فشي كاسرونه مع نصف كاس ديال الماء

و خليها تطيب واحد 5دقايق مع التحريك باش

ماتلصقشليك من بعد خليها تبرد

بداي العجين خلطي المقادير كامله من غير الماء يلا احتاجيتيه

عاد زيديه يلا ماحتاجيتيش ليه بلاش

نطلقو العجين بالدلاك و ندير دواور و ديري الحشوه فيهم و تسديها

و دوري الجنيبات بالفورشيط او يلا عندك الطابع استعمليه

و تدهن بالبيض و تزين بالفرماج اذا كان متوفر نخليكم مع الصور

يمكن ليك تعمريهم باش ما حبيتي 

بالصحة و الراحة